వీరి వీరి గుమ్మడి పండు వీరి పేరేమి...76 to 104 (అచ్చంగా తెలుగు బృంద సభ్యులపై నా పద్య కవిత)

వీరి వీరి గుమ్మడి పండు వీరిపేరేమి?......76--14/11/15

తే.గీ--152
శ్రీ దయానంద స్వాములన్ ప్రీతి గొల్చు
కన్నెమనసుచోరుండట వెన్న  దొంగ
పిల్ల కోతితొ పోలిక నల్లె జనుల
ఉల్లి పేరడి పాటలు యల్లె గనరె

తే.గీ--153
అంతయునునీవె యంత్ర్యామి యనును గనుము
అమ్మ ముగ్గురమ్మలయమ్మ మమ్ము గావు
నృత్య రీతి కథాకళి నిష్ట పడును
వివిధ శాస్త్రము లందున వీరు ఘనులు

నిన్నటి నా పద్యములో విరిసిన..మిత్రులు...
శ్రీమతి సుజల గంటి  వారికి అభినందనలు  నేడెవరో చెప్పండి బహుమతి గెలవండి.....నా జవాబు కోసం రేపటి పద్యం
 చూడండి

వీరి వీరి గుమ్మడి పండు వీరిపేరేమి?...77----15/11/15

ఆ.వె--154
సాయి నాథు నెపుడు సరిగజూపు చునుండు
చక్కనైన ఠీవి మిక్కుటముగ
శిల్ప సంపదనిన శిరమునిడుకొనును
బందు, హితుల తోడ పొందు శుభము....

ఆ.వె--155
మంచి నీటి కొరకుమాటువేసిచిరుత
బిందె లోన మూతి బిగిసె గనరె
సంతసంబు తనకు నెంతయో మదినిండె
మురళి, రాజు తోడ ముచ్చటాడ...

నిన్నటి నా పద్యములో విరిసిన..మిత్రులు...
శ్రీ  ప్రసాద్ అక్కిరాజు గారు వారికి అభినందనలు   నేడెవరో చెప్పండి బహుమతి గెలవండి.....నా జవాబు కోసం రేపటి పద్యం చూడండి

వీరి వీరి గుమ్మడి పండు వీరిపేరేమి?......78--16/11/15

తే.గీ--156
సరిగ శుభరాత్రి యనెజెప్పు సాయి బంధు
అమ్మ వారిప్రతిమలద్భుతమ్ము జూపు
మూడు రంగుల జెండాకు మురిసి పోవు
మంచి వారల మాటల నెంచి చూపు......

నిన్నటి నా పద్యములో విరిసిన..మిత్రులు...
శ్రీ  Someswara rao malyala గారు వారికి అభినందనలు   నేడెవరో చెప్పండి బహుమతి గెలవండి.....నా జవాబు కోసం రేపటి పద్యం చూడండి

వీరి వీరి గుమ్మడి పండు వీరిపేరేమి?......79--17/11/15

తే.గీ--157
పాని పూరి లనగనెంతొ పరవశమ్ము
కబురు కాకర కాయల గుబులు రేపు
రవ్వ దోశల కొచ్చెగ రంగు రూపు
రాయ గలరెన్నొముచ్చట్లు హాయి గొలుప

తే.గీ----158
తీపి గురుతులు మదినిండ తీసిచూపు
పప్పు గింజల కొరకు తానప్పుగోరె
ఓటు వేయుట పప్పుల రేటు గనుము
మంచి గుమ్మడి కళలందు నెంచి చెప్పు


నిన్నటి నా పద్యములో విరిసిన..మిత్రులు...
శ్రీ  Sagar Lanka గారు వారికి అభినందనలు   నేడెవరో చెప్పండి బహుమతి గెలవండి.....నా జవాబు కోసం రేపటి పద్యం చూడండి

వీరి వీరి గుమ్మడి పండు వీరిపేరేమి?......80--18/11/15

తే.గీ--159
తెల్వ రస్సేను హుస్సేను, తెలుసు నాకు
పీర్ల పండుగ దరువుల పిలుపు లపుడు
కవిత లూయల కమ్మని కవిత లల్లు
తెల్ల మైదానమెరుపెక్కె కలము వలన

తే.గీ---160
వెలుగు చాటున చీకట్లొ నలిగె నెన్నొ
కాలె కాగడా వెలుగులోకనర యనెను
మసక చీకటి లోపల మనసు ఘోష
సీటు మిచ్చరు పంచెను లేటు గపుడు

నిన్నటి నా పద్యములో విరిసిన..మిత్రులు...
శ్రీ  Rayachoti Krishnamurty గారు వారికి అభినందనలు   నేడెవరో చెప్పండి బహుమతి గెలవండి.....నా జవాబు కోసం రేపటి పద్యం చూడండి


వీరి వీరి గుమ్మడి పండు వీరిపేరేమి?......81--19/11/15

తే.గీ---161
వివర మిచ్చెనవార్డుల విషయమందు
రెండు బంగారు నాణాల మెండు గనరె
హనుమ చాలీస పుట్టుక యసలు కథను
శుద్దమగురీతి పలుకును శుభము లెన్నొ

తే.గీ--162
గట్టి మహిమతొ జూపెను మట్టి చిప్ప
అబ్దులయ్యకు నివ్వాళి యద్భుతమ్ము
ఙ్ఞాన సంపద సంద్రము ఙ్ఞాన శీలి
మంత్ర మహిమను గట్టిగ మనకు దెలిపె

తే.గీ-163
పెండ్లి రోజును పోల్చెను ప్రేమ తనము
చంద్ర గ్రహణము తీరును జదువ వలెను
మంచి విషయము లొదలక నెంచి చూపు
చదివె సంస్కృతాంధ్రములను సరిగ జూడ


నిన్నటి నా పద్యములో విరిసిన..మిత్రులు...
శ్రీ  Krishna Mani గారు వారికి అభినందనలు   నేడెవరో చెప్పండి బహుమతి గెలవండి.....నా జవాబు కోసం రేపటి పద్యం చూడండి

వీరి వీరి గుమ్మడి పండు వీరిపేరేమి?......82--20/11/15
తే.గీ---164
మంచి పద్యాల నెప్పుడు యెంచి చూపు
కొత్త మేళము వీణను కొసరి జూపె
రాగ శృతుల సరిగమల రంజు యెరుక
తెలుగు వాచక గుర్తులు తెలిపె మనకు

తే.గీ--165
అడిగె వామనగుంటల యాటనెంచి
యస్వి రంగని నటనలొ యశము జూపె
గుడులు జూపును, దేవత గోపురములు
పంచె కట్టుట యెటులనొ పట్టి జూపె

నిన్నటి నా పద్యములో విరిసిన..మిత్రులు...
శ్రీ  శ్రీనివాస ప్రసాద్ శుద్దపల్లి గారు వారికి అభినందనలు   నేడెవరో చెప్పండి బహుమతి గెలవండి.....నా జవాబు కోసం రేపటి పద్యం చూడండి

వీరి వీరి గుమ్మడి పండు వీరిపేరేమి?......83--21/11/15

తే.గీ--166
ఊసు లల్లును మేజాకు లేసు లవియె
కాలి మువ్వల సవ్వడి కాగితములు
పాకులాడకు కనరాదు పాడు మనసు
నిన్ను వెంటాడు నీయాత్మ నీడ యనును

తే.గీ--167
మనము పండినా మొలకెత్తు మట్టిలోన
కాయ గలమను చెట్టుకు కాలమైన
నింగి కంపును కాయము నీది కడకు
చెట్లు నరకొద్దు నీకెంతొ చేటు యనును

తే.గీ--168
కలల యౌషద లేపనం కాటి కెడలె
మనసు కైవల్య మొందాక మాట వినదు,
నీడ పట్టున పెరిగిన నీది తనువు
మండి బూడిద యగునట మర్మ మిడెను


తే.గీ--169
చదువ నెంచిన కలుగును సంత సంబు
చిన్నపలుకులు చిక్కని వెన్న రీతి
తినిన మీగడ తరకల తియ్య దనము
నాకు మిక్కిలి మోదము నామవరపు


నిన్నటి నా పద్యములో విరిసిన..మిత్రులు...
శ్రీ  దేవరకొండ సుబ్రహమణ్యం...    గారు వారికి అభినందనలు   నేడెవరో చెప్పండి బహుమతి గెలవండి.....నా జవాబు కోసం రేపటి పద్యం చూడండి

వీరి వీరి గుమ్మడి పండు వీరిపేరేమి?......84--22/11/15

తే.గీ--170
సరస సంగీత సాహిత్య చదువు లమ్మ
సకల విషయములందున శాంబవీమె
రమయె రచనలు సాగించు రత్న గర్భ
మనిషి నెమ్మది గనినంత మనసు వెన్న

తే.గీ--171
ఖండ ఖండాంత రాలలో కాంతి పిలుపు
ముద్దు రచనలు పిన్నీసు, మూగ మనసు
కనుము బియ్యములోరాళ్ళు కంటికింపు
అచ్చ తెలుగున కథలల్లు యద్భుతముగ

49.నేటి గుమ్మడి పండు:
కం:పెయ్యేటి వారె గుమ్మడి
     యయ్యేరని దల్చు చుంటి  హర్షము తోడన్
      బియ్యములో రాళ్ళనుచును
       తియ్యని కథలను సతతము తీరుగ చెప్పున్.
2.ఆ.వె:పతియు వ్రాయు చుండ సతియగు శ్రీదేవి
      పాడుచుండు తాను వరుసగట్టి
      చక్కని కథలెన్నొ  సమయానుకూలంగ
       కౌశలంబు తోడ కమ్మగాను
3.ఆ.వె:రంగని సతి యీమె రమణీయముగ వ్రాయ
            మరలమరల కథలు మరువ కచదు
         వంగ మోజు కల్గు పాఠకులకు నెల్ల
         లక్ష్మిపూజ చేయు లలన యెపుడు.
  నాసమాధానము:శ్రీమతి పెయ్యేటి శ్రీదేవి గారు.
(ప్రాస ,యతుల కోసం దంపతులను ఏకవచనంలో  వ్రాశాను.మన్నించండి.)
అన్నయ్యా సవరణలుండటంతో మళ్ళీ పంపాను.

నిన్నటి నా పద్యములో విరిసిన..మిత్రులు...
శ్రీ  Sateesh Namavarapu   గారు వారికి అభినందనలు   నేడెవరో చెప్పండి బహుమతి గెలవండి.....నా జవాబు కోసం రేపటి పద్యం చూడండి

వీరి వీరి గుమ్మడి పండు వీరిపేరేమి?......85--23/11/15
తే.గీ..172
గంగ కాలుచున్నది నేల కాలుమోప
నాల్గు పాదాల నడకయానంద మొసగు
కుక్కవలె కుక్కవలె పోయి కూర్చొన వలె
పూరణములకు జక్కని భోధనిడును

నిన్నటి నా పద్యములో విరిసిన..మిత్రులు...
శ్రీ  pyyeti Srideviగారు వారికి అభినందనలు   నేడెవరో చెప్పండి బహుమతి గెలవండి.....నా జవాబు కోసం రేపటి పద్యం చూడండి


వీరి వీరి గుమ్మడి పండు వీరిపేరేమి?......86--24/11/15

తే.గీ..,173
పద్య రచన లందునగల పట్టు గనుము
కలవు వ్రాసినవెన్నియొ తెలుగు గజలు
కలము నిండుగ కలవేమొ కవిత లిడను
అర్ధ వంతము పూరణలద్భుతమ్ము

నిన్నటి నా పద్యములో విరిసిన..మిత్రులు...
శ్రీ  ధనికొండ రవిప్రసాద్  గారు వారికి అభినందనలు   నేడెవరో చెప్పండి బహుమతి గెలవండి.....నా జవాబు కోసం రేపటి పద్యం చూడండి


వీరి వీరి గుమ్మడి పండు వీరిపేరేమి?......87--25/11/15
ఆ.వె--174
మనసు యంత నీవె నాయక మాన్యుడు
బుల్లి తెరల పైన యల్ల రదిగొ
మంచి మాట లిడును మంచోడె యబ్బాయి
తెలిసి నంత మీరు దీవెనిడరె

ఆ.వె....175
మైకు ముందు గళము మనసంత నటనపై
మంచి సరస మిడను మరువ డెపుడు
మనసు దోచె నాది మక్కువ  తోడను
సేవ జేయు నితడు శుభము లిడరె

నిన్నటి నా పద్యములో విరిసిన..మిత్రులు...
శ్రీ  విరించి గారు వారికి అభినందనలు   నేడెవరో చెప్పండి బహుమతి గెలవండి.....నా జవాబు కోసం రేపటి పద్యం చూడండి

వీరి వీరి గుమ్మడి పండు వీరిపేరేమి?......88--26/11/15

ఆ.వె--176
నిమ్మ నీటి లోని కమ్మదనము నింక
క్రమము తప్పరెపుడు వ్రాయు గనుము
నొప్పి తగ్గు కిటుకు తప్పక తెల్పును
బరువు తగ్గు విధము బహుగ చూపె

ఆ.వె--177
ఆద రించు నెప్పుడాకాశమేహద్దు
మంచి వారి గళము నెంచి వినుము
ఆలకించమనుచు నాకాశ వీధిలో
తెలుగు భాష కున్న తెగువ దెలుపు

ఆద రించు నెప్పుడక్షరమేహద్దు
మంచి వారి గ్రీవ నెంచి వినుము
ఆలకించమనుచు నధ్వము వీడలో
తెలుగు భాష కున్న తెగువ దెలుపు

ఆ.వె--178
గీత సారమిడును గేయములతొగూడి
తల్లి కథల నెంచి తనుజ తెలుపు
పెరిగె నిచట తాను పెయ్యేటి వారింట
దూర దేశమందు తోరి వినుము

అక్షరము=ఆకాశము(ఆకాశమే హద్దు)
గ్రీవ=గళము.....
నధ్వము=ఆకాశము....వీడ=వీధి(ఆకాశ వీధిలో)

ఆ.వె--177
ఆద రించు నెప్పుడాకాశమేహద్దు
మంచి వారి గళము నెంచి వినుము
ఆలకించమనుచు నాకాశ వీధిలో
తెలుగు భాష కున్న తెగువ దెలుపు

ముందు వ్రాసుకున్న పద్యం ఇది   అయితే నేను శ్రీ  rangarao  గారి ఇంటికి వెళ్ళిన సందర్భములో  vijaya గారు వారమ్మాయి అని తెలిసి నేనీ పద్యాలు చదివి వినిపించటము వారుషరికార్డుచేసి వెనువెంటనే ఆస్ట్రేలియా పంపటం జరిగిపోయాయి నాకు  తెలియకుండానే ......ఆకారణంచేత అర్ధం చెడకుండా పదాలు మార్చాను రెండవ పద్యం......

నిన్నటి నా పద్యములో విరిసిన..మిత్రులు...
శ్రీ  Rjvj వేణువు గారు వారికి అభినందనలు   నేడెవరో చెప్పండి బహుమతి గెలవండి.....నా జవాబు కోసం రేపటి పద్యం చూడండి


వీరి వీరి గుమ్మడి పండు వీరిపేరేమి?......89--27/11/15

తే.గీ--179
కంద మందున జక్కని యంద మదిగొ
బాహుబలిని పోల్చె గనుము భారతముతొ
అలసి సొలసిన వారికి హాయి యనుచు
ఇంగులీషుకు సరిపుచ్చె డింగుటకలు

నిన్నటి నా పద్యములో విరిసిన..మిత్రులు...
శ్రీ  Vijaya gollapudi గారు వారికి అభినందనలు   నేడెవరో చెప్పండి బహుమతి గెలవండి.....నా జవాబు కోసం రేపటి పద్యం చూడండి

వీరి వీరి గుమ్మడి పండు వీరిపేరేమి?......90--28/11/15

ఆ.వె--180
ఎన్న దగిన వితని వెన్నెన్నొ పలుకులు
అన్ని విషయములలొ యన్న మిన్న
అన్న కున్న పటిమ యెన్నదగినదన్న
చిన్న చిన్న వైన మిన్న రన్న

ఆ.వె--181
ఊరు, నీరు, పేరు కోరును మరిమరి
కోరి కోరి మనకు కొసరి జెప్పు
పుట్టి పెరిగె నచట బుద్దిగా చదివెను
మంచి పటిమ కలిగి మాట వ్రాయు

తే,గీ--182
కనుము మాటలగారడి కమ్మదనము
కథలు గాయము గమ్యము గగనములను
కుందనపు బొమ్మ మాలిని కూర్పు జూడు
చిన్న జియ్యరు స్వాముల వన్నె తెలిపె

ఆ.వె--183
సేద తీర్చు మనకు సీలేరు యందాలు
డొంక రాయి సొగసు వంక వాగు
వాగు లురక గనము  వంకల సెలయేరు
అడవి బిడ్డ లనిన యాదరమ్ము

నిన్నటి నా పద్యములో విరిసిన..మిత్రులు...
శ్రీ  శ్రీనివాస్ యనమండ్ర గారు వారికి అభినందనలు   నేడెవరో చెప్పండి బహుమతి గెలవండి.....నా జవాబు కోసం రేపటి పద్యం చూడండి


వీరి వీరి గుమ్మడి పండు వీరిపేరేమి?......91--29/11/15

తే.గీ--184
నాటి బతుకమ్మ ముచ్చట్లునయముతోడ
జమ్మి పాలపిట్టలజూపి జయము తెలిపె
రవిక సొగసుచూడతరమ రంజు గనుము
హస్త కళలను జూపెను యద్భుతమ్ము

నిన్నటి నా పద్యములో విరిసిన..మిత్రులు...
శ్రీ  గౌతమ్ కశ్యప్    గారు వారికి అభినందనలు నేడెవరో చెప్పండి బహుమతి గెలవండి.....నా జవాబు కోసం రేపటి పద్యం చూడండి

వీరి వీరి గుమ్మడి పండు వీరిపేరేమి?......92--30/11/15

తే.గీ--185
అన్ని పండుగలసరళి మిన్నగిడెను
నింగి కెగసెను సంద్రము తొంగి జూసె
కరుణ రంజిల్లు నవలోక కర్మచారి
కబ్బ సంద్రము కనువిప్పు గనుము రీతి

తే.గీ--186
కోరి వల్లకాడనినిడె ఊరి పేరు
అమ్మ ప్రేమను గనవలె కమ్మదనము
శాంతి కోరెను ప్రతిదినం కాంతి రేఖ
అచ్చ తెలుగును మెచ్చెను సొచ్చ మనియు

తే.గి--187
కడుపులోమంట విడమర్చె కడుపు మంట
శివుడు గనుమనంతలయుడు చెప్పె మనకు
యువత మేలుకో తెలుసుకోభవిత యనెను
అబ్దులయ్యను తలపోసె నద్భుతముగా


నిన్నటి నా పద్యములో విరిసిన..మిత్రులు...
శ్రీమతి Usharani nutulapati గారు వారికి అభినందనలు   నేడెవరో చెప్పండి బహుమతి గెలవండి.....నా జవాబు కోసం రేపటి పద్యం చూడండి


వీరి వీరి గుమ్మడి పండు వీరిపేరేమి?......93--1/11/15

తే.గీ--188
పుష్ప ధరహాసమునుగాంచి ముచ్చటించె
దేశ భక్తి గీతాలను దిద్ద వలయు
తెలిపె జాతీయ జండాను తెలుసు కొనరె
మంచి విషయాలు చిత్రసీమ వెంచి చూపు

తే.గీ--189
కనుము శతకమద్భుతములె కబ్బ చపల
సిక్క రంగారి చెట్టును చక్క దనము
చూపెనిట గుల్బి సామెత  చూడవలయు
మహిషి జింజిరి పాటయు మహిని వెలసె


నిన్నటి నా పద్యములో విరిసిన..మిత్రులు...
శ్రీ Pavani Suresh Chandra గారు వారికి అభినందనలు   నేడెవరో చెప్పండి బహుమతి గెలవండి.....నా జవాబు కోసం రేపటి పద్యం చూడండి


వీరి వీరి గుమ్మడి పండు వీరిపేరేమి?......94--2/12/15

తే.గీ--190
తోడు రారటనెవ్వరు తుదకు నెపుడు
నీదు కష్టము సుఖములు నీకు తోడు
మట్టి గణపతి పూజల మహిమ దెలిపె
తెలిపె చట్టము చుట్టము తీరు తెన్ను

తే.గీ--191
పెరటి సురసతొ పోలిక గురుతుచేసి
మనకు కనువిప్పు సేయగ  మనవి చేసె
మంచి నాయకుడెటులౌనొ యెంచి జూపె
మద్య తరగతి జీవుల మిద్య దెలిపె

తే.గీ--192
కులము గోత్రములిచ్చట కూడ దనును
తరచి చూచిన లోతైన తత్వ మొసగు
నాటి నేతల చావులు నెట్టు లనెను
లేత పలుకుల తీరుండు లోతు మిన్న

తే,గీ--193
ఓడి ఓటమి పాలాయె నొక్కరోజు
చీదరించె సంవేదక సేవ గనియు
కోరె చాగంటి సూక్తుల గొప్ప దనము
పాల మీగడ తరకలే పదును మిన్న

నిన్నటి నా పద్యములో విరిసిన..మిత్రులు...
శ్రీ Gorthy Venkata Somanadha Sastry గారు వారికి అభినందనలు   నేడెవరో చెప్పండి బహుమతి గెలవండి.....నా జవాబు కోసం రేపటి పద్యం చూడండి

వీరి వీరి గుమ్మడి పండు వీరిపేరేమి?......95--3/12/15

తే.గీ--194
చిన్న కవులను మెచ్చుట యెన్న దగును
ఆలకించును జక్కగ హాయి నొసగు
మంచి విషయము లెప్పుడు యెంచి చూపు
చదివి తీరవలయు వీరినెదికి మనము

ఆ,వె--195
ముందుమాట నిడెను బుధజని "వాళ్ళు"కు
నువ్వె నేను నేను నువ్వె గనుము
చరిత్ర లోప్రభందపరమేశ్వరుండుని
కనుము వ్రాసె నెన్నొ కథలు వీరు

తే.గీ--196
బుద్ది గలిగిన సుకుమారి,భువనచంద్ర
సుభద్ర ,సుందరి, సమ్మెట,సుజలగంటి
నళిని,వలభోజు, మంతెన,నాగలక్ష్మి
ఆదరించగా గనవలె నక్కరీతి

నిన్నటి నా పద్యములో విరిసిన..మిత్రులు...
శ్రీ Shyamala Kondapalli గారు వారికి అభినందనలు   నేడెవరో చెప్పండి బహుమతి గెలవండి.....నా జవాబు కోసం రేపటి పద్యం చూడండి

వీరి వీరి గుమ్మడి పండు వీరిపేరేమి?......96--4/12/15

తే.గీ--197
జలము వాడండి తక్కువ జనులు మీరు
పలుకుమెప్పుడు యెక్కువ తెలుగు యనెను
పోక మానదు దేహము పోషణెంత
తెలిపె జీవిత సత్యము తెలియనగును

నిన్నటి నా పద్యములో విరిసిన..మిత్రులు...
శ్రీమతి  Bhanumati Mantha గారు వారికి అభినందనలు   నేడెవరో చెప్పండి బహుమతి గెలవండి.....నా జవాబు కోసం రేపటి పద్యం చూడండి

వీరి వీరి గుమ్మడి పండు వీరిపేరేమి?......97--5/12/15

తే.గీ--198
ఇంటి పేరులు కులగోత్ర వంటి వెంచి
మతము భాషకు సంధియ కతను తెలిపె
అర్ధ భావము లిచ్చును యద్భుతమ్ము
సరళ మైనభాష తనది సరిగ జూడ

తే.గీ--199
చూపె యోగము చిత్తము రూపు గనుము
లోతు మిక్కిలి పదముల లోతు తెలుపు
వివరమిచ్చుట యందున వీరె మిన్న
మంచి యాచార్య వీరల నెంచి గనుము

తే,గీ--200
చెలిమి సంస్కృతం తోనట చేరి వినుము
జంట పదముల యమరిక కంట గనుము
తెలుగు నుడి పలుకుబడిని తెలుసు గొనరె
తెలుగు సామెతలర్ధము తెలియ జేయు

నిన్నటి నా పద్యములో విరిసిన..మిత్రులు...
శ్రీ GdiyaramVenkatarangaSai  గారు వారికి అభినందనలు   నేడెవరో చెప్పండి బహుమతి గెలవండి నా జవాబు కోసం రేపటి పద్యం చూడండి

వీరి వీరి గుమ్మడి పండు వీరిపేరేమి?......98--6/12/15

తే.గితి--201
అరుణ జననమ్ము గుండెలో యద్భుతమ్ము
మంచి ఉద్వేగ ఙ్ఞాపకం యెంచి కనుము
కాదు బ్రతకట మంటేను కథలు యనును
వాడు  రావద్దు వెలువల వ్రాసె కనుము

తే,గీ--202
పడతి జాతీయ సమగ్రత పథకమొందె
భరత మహిళాశిరోమణి పథకమొందె
కలదు కవితల సంపుటి కథలు గనరె
నవల వ్రాయుటయందున నలువరాణి

తే.గీ--203
ఎందరున్నారుయిలనట యందముగను
మౌన రాగము కనవలె మాలికందు
కనుము యెనిమిదోయడుగును మిన్న గుండు
చేసె సన్మానము సినారె చేయితోడ


నిన్నటి నా పద్యములో విరిసిన..మిత్రులు...
శ్రీ Vvs Sarma  గారు వారికి అభినందనలు   నేడెవరో చెప్పండి బహుమతి గెలవండి.....నా జవాబు కోసం రేపటి పద్యం చూడండి

వీరి వీరి గుమ్మడి పండు వీరిపేరేమి?....99--7/12/15

తే,గీ--204
శివుని నీదయ యనుచును చేరి పిలుచు
శివుని నామమె సతతము కవనమగును
శివుని కన్నీట మున్నీట సేయు జపము
శివుని రూపము నామము శివుని మయమె

ఆ.వె
చిన్న మాట లందు మిన్నగిడెనుగను
భగ్న మైన మనసు పడెడు బాధ
కనికరంబులేని కనరాని కనలేని
మనసు లోతు నెంచి మనకు దెలిపె

నిన్నటి నా పద్యములో విరిసిన..మిత్రులు...
శ్రీమతి Angaluri Anjanadevi  గారు వారికి అభినందనలు   నేడెవరో చెప్పండి బహుమతి గెలవండి.....నా జవాబు కోసం రేపటి పద్యం చూడండి

వీరి వీరి గుమ్మడి పండు వీరిపేరేమి?....100--8/12/15

తే.గీ--205
చక్క చక్కని చిక్కని సుక్కలెక్క,
కక్కు మిక్కిలి నిక్కము జెక్కుపదము
చిక్కె సక్కున గ్రక్కును నిక్కవంబు
లెక్కలెక్కన తక్కువ నిక్కులించు

తే.గీ--206
గట్టి, గట్టివ,గట్టుల గట్లసూడు
కట్టు కట్టడ కట్టాణి కట్టిపెట్టు
జట్టు గట్టిగాచేష్టితో చెట్టగొనును
పుట్ట పుట్టువే పొట్టెముబట్టి చూడ

తే.గీ--207
అంబజోదర, అజగుడు,ఆత్మ భవుడు
అజుడు, అంబుజనాభుడు, అగ్నిజుండు
అక్షధరుడును,అజయుడు, అమర ప్రభువు
అబ్దశయునుడు, అనతుడు, అచ్యతుండు

తే.గీ--208
కంబమయ్య,కంబుభృతుడు,కైటబారి
కపిలుడు కడారిపటుడును కంబపాణి
క్రతువు,కపి,కఱివేలుపు,త్రివిక్రముండు
జన్మకీలుడు, జహ్నవు, జలశయనుడు

తే.గీ--209
పాలమున్నీటియల్లుడు,పావనుండు
పుష్కరాక్షుడు, పురుహలి,పురుషవరుడు
ప్రభువు,పుష్కరనాభుడు,ప్రాగ్వఁశుండు
శేషశయునుడు, శంద్రుడు, శేషశాయి

తే.గీ--210
వీరి జనకుల నెంచెద కోరి నేను
కనుము మీరలు నెంతయొ కమ్మదనము
చిత్ర సీమకు వీరెంతొ సేవజేసె.
ప్రముఖ ప్రముఖాంధ్ర లోకాన పరుగు లిడును

తే.గీ--211
చేరె పసిప్రాయ మందున చెన్ననగరి
పట్టు పట్టితానెదిగెను పట్టుదలతొ
పొందె బిరుదములెన్నియొ పుడమి పైన
చేరి మ్రొక్కెద వారికి  శిరము నొంచి

తే.గీ--212
తేట తెల్లము ఘనమంత తెలుగు నందు
సహస్ర చంద్రుల గన్నట్టి సహన శీలి
చేసె తెలుగునకెంతయో సేవ వీరు
పాదపద్మముల్ వీరివి పసిడి నాకు

మొదటి పద్యం మొదటి పాదం విడ మరచి చెప్పనవసరం లేదురెండవ పాదం...
కక్కు=రపంము వంటి వాటికుండే పల్లు....పదును
నిక్కము.=,సత్యము.....
చెక్కు (జెక్కు)=పెట్టు,,,(దోపు, ఖండించు అనే అర్దాలు కూడ ఉన్నాయి)
చిక్కె=దొరికిన చో
టక్కున
గ్రక్కును
నిక్కవము
లెక్క..........నిక్కిలించు--టపాలన్నీ ఒక లెక్కసరిగా చాటభారతంలేకుండా చెప్పవలసినదేదో సూటిగా  ఉంటాయి అని నాభావయు
నిక్కిలించు=లేపు...నిగిడించు
-------------------------------+++++++++++++++++౭++++++
శ్రీ రామచంద్ర రాజు కలిదిండి

ఆ.వె. అరవదేశమందు ఆంద్రులకండగా
బ్రహ్మ జ్ఞాని యతడు బ్రాహ్మణుండు
కల్లనెరుగనోడు కార్యధక్షుండయా
కుమరుడయ్యెనేటి గుమ్మడిగను

ఆ.వె. తండ్రిమాటయన్న తామ్రశాసనమెగా
ధార్మికుండితనికి దార బలము
పారు దార వోలె పలుకుసౌమ్యముగాను
అన్యదేశమందు అన్నఘనుడు

+++++++++++++++++++++++++++++++++++++++
సోదరులు, ఆత్మీయులు, అన్నగారు శ్రీ గోటేటి వేంకటేశ్వర రావు గారికి, సోదరి ఓలేటి శశికళ, అభిమానంతో, అభినందనలతో రాసిన ఆటవెలదులు.
-ఆ.వె-------------------
1.పాలకొల్లు నుండి ప్రవసింప మదరాసు,
తరలి వెళ్ళె తెలుగు తరము యొకటి.
నాటి, నేటి, మేటి చాటేటి గోటేటి.
తెలుగు వనమున విరి తేరు, మేరు.
-ఆ.వె-------------------
2. పాండితీ ప్రకర్ష పారంపరిక మయ్యె.
పాత్రికేయు లయ్యె ప్రవృతి రీత్య.
సహస్ర పూర్ణ చంద్ర సందర్శితులు కాగ,
వేంక టేశుని గన్న వేల్పు వారు.
-ఆ.వె-------------------
3. అమ్మ,యతివ లనిన యపు రూప గౌరవం,
లలిత కేలు బట్టె, లక్ష్మి మెట్టె.
శ్రీలు చిందు ముఖపు శ్రేయ దివ్యల జూడ,
దర్ప పరవశ మగు దండ్రి మనసు.
---ఆ.వె-----------------
4. నమ్ము నిజము తాను నడుచు నిజము నమ్మి,
నెగ్గు వాడు, తగ్గి నిలుచు వాడు.
నవ్వు విలువ దెలుసు నలుగు రున్న హితుడు,
తెరచి జూపు బ్రతుకు తెలియ తెగువ.
ఆ.వె--------------------
5. ముఖ్య కార్య దర్శి, సఖ్య తెంచెడి నేత,
మాతృ భాష ప్రియుడు మాన ధనుడు.
దేశ రాజకీయ తెగులు వెలుగు దెచ్చు,
జనని, జన్మ భూమి స్వర్గ మనును.
-ఆ.వె------------------
6. తన్మ యమున మురిసి దసర, దీపావళి,
సంబరాలు మనకు సందడించు.
కొండ రాయు మనువు కోరి కూరిమి జేసె,
అయ్య అండ దండ అన్న కుండ.
-ఆ.వె------------------
7. చెన్న పట్నమంత చెదర వరదలకు,
కష్ట నష్టములను గాంచి నోర్చె.
దేవు ననుగ్ర హమున ధీమంతు, శ్రీమంతు
నాదరించు సాయి న్యాయ మీయ.
-ఆ.వె-------------=----
8. ఆవకాయ లేమి యసలు సైపని వాడు.
స్వ,పర ధర్మ ములను సరిగ నెఱుపు.
హిందు ధర్మ విధులు యెందున్న మరువరు,
ప్రవచనములు యన్న ప్రాణ సమము.
-ఆ.వె--------=---------
9. సంఘ మన్న తనదు సంసార మన్నను,
బాధ్యతెరిగి మెలుగు బాగు కోరు.
మంచి మిత్రుడు యెంచు మంచి విలువలను,
తలయివారు ఠీవి తలచి మురియు.
-ఆ.వె------------------
10. తిరుపతయ్య రక్ష తీరుగా గోటేటి,
వెంకటన్న వెనుకె వెంట నుండ,
వరద రాజు గాచు వరద నష్టము నుండి,
కోట్లు పడగ లెత్త కోరు చుంటి.
--------------------
8-12-2015.....శ్రీమతి sasikala Volety
+++++++++++++++++++++++++++++//////+++++++
శ్రీ  గోపీనాథ్ పిన్నలి

ఆ.వె. విత్తు వొక్కటైన వేరు వృక్షము రాదు
మంచి యేదొ వారె యెంచ గలరు
సీమ నైన నేమి చెలగి సంఘమునందు
చెడుగు చెరగుటందు శిష్టులనరె...

తే.గీ.
అవును, గోటేటి వారెగా యర్హులెపుడు
పద్య మందలి పదములా ప్రముఖులైన
తండ్రి దనయుల కెప్పుడొ దఖలు పడియె
దండమిడుదు దాశరథి వెంకన్నలకును

సీ.
ప్రముఖాంధ్ర తెచ్చిరీ ప్రముఖులిద్దరు చేరి ... పొగడ నాకును లేదె పూర్తి పటిమ
గోటేటి రామన్న గూర్మితో వెంకన్న ... సాయంబుతో సాగు సారథిగను
వ్యాపార మది గాదు వ్యాపకమే యదీ ... వెఱ్ఱి తనమనగ వెఱ్ఱి గాదె
జనని గొప్పలనెల్ల జగతిని వ్యాపింప ... తప్పు పట్టగ రాదు తరతరములు
ఆ.వె.
పట్టుబట్టి వారు ప్రముఖుల చరితలూ
తెలుపు చుండె మనమె తెలియ వలయు
మంచి యేర్చి కూర్చి మనలకందించేటి
ధన్యులాయె తండ్రి తనయు లహహ...


ఆ.వె.
సంప్రదాయమునకు సరి యింకొ చిరునామ
గోటెటన్నె యందు గూర్మితోడ
ఆధునికతను మనము నాచరించగలము
రీతి వదల రాదు నీతి యదియె

(ఆ కుటుంబం ఆధునికతను కాదనకుండానే సంప్రదాయానికి పెద్ద పీట వేస్తుంది. మనం నేర్వవలసినదీ అదేనని నా బావన)

ఆ.వె. నాదు శంక దీర్చు నాద్యాత్మ గ్రంథమే
రామ చరిత మనగ రహియె కలుగు
అన్న ప్రేమతోటి యందించె నాకది
ధన్యుడనుగ నేను నన్య మెరుగ !!

(రహి అంటే ప్రేమయే కదా.... ఇహ సంగతేమంటే........ గోటేటన్న నాకు అచ్చంగా తెలుగు వెబ్ పత్రిక రచనకు గాను పెద్దాయన రాసిన ఆద్యాత్మ రామాయణం పంపాడు. అంతకు ముందు నాకున్న కొన్ని సందేహాలను ఆ గ్రందం నివృతి చేసింది. అది చూడనంతవరకూ నాకు ఇంకోటి తెలియదు కనుక ధన్యుడనైతి ననుకుంటూ ఉంటాను.)గోపీనాథ్ పిన్నలి
++++++++++++++++++++++++++++++++++++++++
smt.Umadevi Balluri

నేటి గుమ్మడిపండు:
1.ఆ.వె:వధువులకు వరులకు పరిచయ వేదికన్
             చక్క గాను కూర్చి సలుపు చుండు
            కార్య దీక్ష బూని కఠినమౌ పనులను
            సులభతరము చేసి చూపు చుండు.
2.ఆ.వె:జీవితమును గూర్చి చెప్పేరుచక్కగా
             తెలుగు భాష గరిమ తెలియ చేయు
           కర్మయోగి తీరు కమ్మగా వివరించు
           ఆడ దన్న తాను యమ్మ యనును.
3.ఆ.వె:మాతృభాష గూర్చి మధురముగా దెల్పు
            తీపి కబురు లెన్నొ తెలుపు;తెలుగు
            తనకు తెలియ దనుట దౌర్భాగ్య మే యంచు
          తెలుపు చుండు వారు తేట గాను.
4.ఆ.వె:రాగి నాణెమందు రామచంద్రుని జూపు
           పాత నాణెములను పంచు నిచట(Share)
          మితముగ తినమనుచమిత మగు తిండిని
        చూపు చుండు నితడు చోద్యముగను.
5.ఆ.వె:పింగళి కవి గూర్చి భేషుగా తెలిపేను
             ద్వ్యర్థి కావ్యములను దర్శింప జేసేను
           ప్రముఖ యాంధ్ర లోని ప్రతిభ గనిన చాలు
         వెంకటేశ్వ రుండె  వినుడు మీరు.
 నాసమాధానము:  శ్రీ గోటేటి వెంకటేశ్వరరావుగారు.
++++++++++++++++++++++++++++++++++++++/+
నిన్నటి నా పద్యములో విరిసిన..మిత్రులు...
శ్రీ Svds Sarma  గారు వారికి అభినందనలు   నేడెవరో చెప్పండి బహుమతి గెలవండి.....నా జవాబు కోసం రేపటి పద్యం చూడండి

వీరి వీరి గుమ్మడి పండు వీరిపేరేమి?....101--9/12/15

తే.గీ--213
ఇందువారపు పూజల పొందు మహిమ
నేటి గురువులకొందనం మేటిగనును
చింత చితులలోజూడగ చితియె మిన్న
పాల కడలికి ముద్దుల పట్టి తాను

తే.గీ--214
లిబ్బిగుబ్బెత సింధుజ లిబ్బుపడతి
ఇంది ఇందిర ఈశ్వర ఇందువదన
చపల గోమిని జలధిజ జగముతల్లి
తమ్మియింటిగరిత ఋద్ది తల్లితల్లి

నిన్నటి నా పద్యములో విరిసిన గుమ్మడి..మిత్రులు...
శ్రీ Venkateswara rao Goteti గారు వారికి అభినందనలు   నేడెవరో చెప్పండి బహుమతి గెలవండి.....నా జవాబు కోసం రేపటి పద్యం చూడండి

వీరి వీరి గుమ్మడి పండు వీరిపేరేమి?....102--10/12/15

ఆ.వె--215
కుంచె కున్న దెంతొ కులుకుజూడవలయు
కలము కున్న పదును ఘనము గాద
నృత్య బాలెలుబహు కృతులు వ్రాసినిడెను
బాపు రమణ లితని భ్రాత లేమొ

తే.గీ--216
కోటి కొక్కరు జూడగ ధీటు గనుము
కాళి దాసుని తీరుగ కలదు వరము
కలదు సాహిత్య సంపద కమ్మ దనము
చిన్న పెద్దలు మెచ్చును మిన్న గెపుడు

తే.గీ--217
పూత రేకుల పుడమిన పుట్టె తాను
తల్లి నేర్పిన విద్యయే దన్ను తనకు
చిన్న పెద్దలకత్యంత చెలిమి బంచు
గీత రాతల యందున మోత గనుము

ఆ.వె--218
చేరె ప్రేమ లేఖ సీతరు యంపెను
కంట నీరు పొర్లె కనిన యంత
బాపు నుండి వచ్చె పసిడి పలుకు లేఖ
నంది బహుమతులను పొందె గనుము

నిన్నటి నా పద్యములో విరిసిన గుమ్మడి..మిత్రులు...
శ్రీ మతి Lakshmi Gundugola గారు వారికి అభినందనలు   నేడెవరో చెప్పండి బహుమతి గెలవండి.....నా జవాబు కోసం రేపటి పద్యం చూడండి

వీరి వీరి గుమ్మడి పండు వీరిపేరేమి?....103--11/12/15

తే.గీ--219
చదువు, సంస్కృతి,సంగీత, సకల మెపుడు
నీతి, స్నేహము, శుభములు, ప్రీతి మీర
చరిత,గణితము,ఛందస్సు చక్క దనము
లెక్క లేనన్ని  వ్యాక్యలు మిక్కుటంబు

తే.గీ--220
చక్కచక్కని పద్యాలు పెక్కు కథలు
చతుర, భాష ,కవిత లింక,సరస హాస్య
నిత్య సాహిత్య సంపద తద్య మెపుడు
తెలుగు పరిమళ గంధాలు తెలుపు చుండు

తే.గీ--221
తెలుగు భాషకు కలిగిన తెగువ జూడు
మంచి వారల నెవ్వరు మరువ రనును
సరస సల్లాప సాహిత్య చర్చ గనరె
గట్టి వారికి పట్టము గలదు నిజము

తే.గీ--222
వాడు కొననెంచి నెవ్వురు కూడిరేని
కన్న బిడ్డల రీతిగ కలుపు కొనును
నీకు స్వార్ధము పెరిగిన నీవె మునుగు
మగువ "తామర తంపర" తెగువ గనుము

(తామర తంపర=పద్మిని)

తే.గీ--223
ఒకరి నొక్కరు నెప్పుడు  నొక్క రీతి
అక్కునందున జేర్చుక యాదరించు
స్వార్ధ చింతన తలపరు సకలురెపుడు
పక్కు పక్కున నవ్వుచు పలుకరించు


తే.గీ--224
జగతి నంతట వసియించు జనుల నెంచు
మంచి యాచార మలవాట్ల నెంచి జూపు
బహుగ పండిత పాండిత్య పటిమగనుము
వేదముపనిషత్తులసార వేదభూమి


తే.గీ--225
కులము,మతము,జాతి,ధనిక గొప్ప చిన్న
వయసు భేదము లెంచక, వచ్చి రాక
సాహితీ సాగు సేయగ సంచరించు
పక్షు లన్నింటి కావాస వృక్ష మిదియె

తే.గీ--226
అచ్చ తెలుగున మిక్కిలి యాదరంబు
కమ్మ నైనది తెలుపరె గుమ్మడెవరొ
నూట మూడవ గుమ్మడి వేట కొరకు
చిట్ట చివరిగ నొసగెను "కట్టుపల్లి"


నిన్నటి నా పద్యములో విరిసిన గుమ్మడి..మిత్రులు...
శ్రీ బ్నిం  బ్నిం గారు వారికి అభినందనలు   నేడెవరో చెప్పండి బహుమతి గెలవండి.....నా జవాబు కోసం రేపటి పద్యం చూడండి

వీరి వీరి గుమ్మడి పండు వీరిపేరు "కట్టుపల్లి"..104--12/12/15

తే.గీ--228
సుబ్బ రావు సోమమ్మల సుతుడు,నీతి
తప్ప డెపుడు పొగరుబోతు, తప్పు మాట
లనిన చెవియెగ్గ డెప్పుడు, కన్న వారి
ప్రేమ నొందెను మెండుగ ప్రేమ మూర్తి

ఆ.వె--229
"బువ్వ లేదు కొడుక బుద్ది మంతుడవీవు
చల్ల త్రాగి పోయి చదువు కొనుము"
తల్లి మాట మీరి తానెరుగడెపుడు
కష్ట పడుట యనిన నిష్ట మనును

తే,గీ--230
విజయ లక్ష్మితో  బెండిలి విధిగ జరిగె
మానస, మనీష, క్రాంతి,యు మాకు సంతు
కనగ భక్త కన్నప్పగ కన్నడాయె
నేడు నరువదియున్ నాలుగేండ్లు జొచ్చె

తే.గీ..231
పెద్దలందరి దీవెనల్ ప్రీతి మీర
పిన్నలందరి శుభములు పెచ్చు మీర
కోరి నిలిచితినిచ్చట కొమరు నేను
ఇచ్చి పంపరె మీరలు యిచ్చరీతి

తే,గీ--232
మంచి వారల ప్రతిభను నెంచి చూప
యెంచె గుమ్మడి నీరీతి కొంచమిటుల
గుర్తు యుంచుక దీవించ గుమ్మడాట
వేడు చుంటిని మిమ్ముల వెడల దలచి

తే.గీ--233
చిన్న పెద్దల నెవ్వరి నైన నేమి
మరచి తినియోమొ పండిత మాన్యులార
తప్పుయెన్నక మీరలు యొప్పుమనుచు
చేరి మ్రొక్కెద  మీకిట  చేతు లెత్తి

తే.గీ--234
అచ్చ తెలుగుయె వేదికై యాదరించ
గుమ్మడాడిరి మీరెంతొ కమ్మదనము
మంచి వారలు మనతోడ యెంచి మురువ
చిన్న పెద్దకు వందనం శిరము నొంచి

తే.గీ--235
కూడి వేడుక సల్పగ గుమ్మడాట
గుమ్మడాటకు వ్యాఖ్యలు గుమ్మరించె
గుమ్మరించిన వారలు గొప్ప జనులు
గొప్ప జనులకు ప్రణతులు జెప్పు చుంటి

(ముక్త పదగ్రస్థాలంకారము)


సీ.--236
పద్మిని, శారద,  భారతి, మంతెన
          వెంకోర, సుందరీ, వేదవాణి !
శశికళా వోలేటి,సంధ్యమ్మ, మాసీత
          యలవర్తి, కొల్లురు,హంస గీతి !
కలిదిండి, వేదుల,భల్లూరి, పెయ్యేటి
            గోటేటి, శ్రీస్వామి, గోపినాథ !
ఆచార్య, మంత్రాల, ఆండర లలితమ్మ
            విద్యమ్మ ,లక్ష్మమ్మ,,విశ్వనాథ !
ఆ.వె
బొగ్గ వరపు, బాల, పూర్ణమ్మ,, మల్యాల
సుబ్బ లక్ష్మి ,మూర్తి ,సుజల గంటి
గుమ్మడాట మీరు కమ్మదనముగాడ
వందనములు మీకు వంద వేలు

నిన్నటి నా పద్యములలో విరిసిన గుమ్మడి "అచ్చంగ తెలుగు " బృందం ...,,., బృంద నిర్వాహకులకు బృంద సభ్యులకు అభినందనలు  ,,  ఈ ""అచ్చంగా తెలుగు"" బృందము ఇలాగే నిత్యమూ వెలుగొందాలని, సాహితీ సాహిత్య కిరణాలు అనునిత్యం వెదజల్లుతుండాలని అభిలషిస్తూ...శుభాశిస్సులతో......  ప్రసాద్ కట్టుపల్లి.......

నేటి గుమ్మడి నేనే...,,మీ రందరు

అ"ల్లరిచేయండి........
ఆ"శీర్వదించండి.....
ఇ"ష్టపడండి
ఈ"ర్ష్య పడకండి
ఉ"పయోగించుకోండి
ఊ"హలలో విహరించండి
ఋ"షిలా జీవించండి
ౠ"బులకాశించకండి
ఎ"వరినీ తూలనాడకండి
ఏ"మరపాటు పొరపాటండి
ఐ"క్యమత్యమేబలమండి
ఒ"క్కటిగా మెలగండి
ఓ"ర్పుతోబ్రతకండి
ఔ"న్నత్యంచాటండి
అం"దరు కలిసుండండి
ఆః" అని ఆనందించండి

క"లలు కనండి
ఖ"చ్చితత్వం పాటించండి
గ"ట్టి పట్టు పట్టి గెలవండి
ఘ"రానా వద్దండి,వదలండి
ఙ్ఞా"న సముపార్జన చేయండి

చ"దవండి చదివించండి
ఛం"ధశ్శాస్త్రం నేర్వడి
జ"యము మీదేనండి
ఝ"గితి స్పందించండి(ఝగితి=వెంటనే)
ఙ్ఞానం పదిమందికి పంచండి

ట"కటొంకు మాటలు వినకండి(టకటొంకు=మాయావి)
ఠ"వఠవ చేసిబ్రతకండి..(శ్రమ)
డ"బడబ వలదండి(గర్వము),
ఢ"కేలు చేయకండి .,వీ (తల తాకుట..మొట్టుట)
ణ" ధ్వనిలా మాటలాడండి

త"ల్లిదండ్రుల ప్రేమించండి,  క
థ" లు కవిత్వం  వ్రాయండి
ద"గదగా ప్రకాశించండి
ధ"ర్మం చేయండి
న"వ్వులపాలు కాకండి

ప"సివారిని రక్షించండి
ఫ"లితమాశించక ధర్మం చేయండి
బయళ్ళు పచ్చదనంతో నింపండి
భ"యమొలదండి
మ"నసెరిగి మాటండి

య"శస్సునార్జించండి
ర"చనలు చేయండి
ల"గువుతో బ్రతకండి(గౌరవము)
వ"నములు పెంచండి
శ"మము నేర్వండి(ఇంద్రియ నిగ్రహము)
ష"ష్టిహాయనము వలే(ఏనుగు వలె)
స"ర్వకాల సర్వావస్థలందు
హా"యిగా బ్రతకండి .హే
ళ"న ఎవరిని చేయకండి
క్ష"మాగుణము మంచిదండి
ఱ"వఱవలు  విడవండి,.,(స్పర్ధ,,కోపము)

తెలుగు అక్షరమాలను చూడండి....

"సర్వే జనా సుజనోభవంతు
సర్వే సుజనా సుఖినోభ వంతు"